கடலுார் சாலையில் நோணாங்குப்பம் படகு குழாம், புதுச்சேரிக்கு வரும் சுற்றுலா பயணிகளை வெகுவாக கவர்ந்துள்ளது. ஒவ்வொரு வாரவிடுமுறை நாட்களான சனி, ஞாயிறு ஆகிய தினங்களில் சுற்றுலா பயணிகள் குவிந்து வருகின்றனர்.

நேற்று ஆயுதபூஜை பண்டிகை விடுமுறை மற்றும் சனி, ஞாயிறு தொடர் விடுமுறையால், நேற்று படகு குழாமில் வெளிமாநில சுற்றுலா பயணிகள் அதிகளவில் குவிந்தனர். படகு குழாமில் போதிய அடிப்படை வசதிகள், படகுகள் இல்லாமல் இருப்பதால், சுற்றுலா பயணிகள் சிரமம் அடைகின்றனர்.

மேலும், பண்டிகை கால விடுமுறையில் சுற்றுலா பயணிகள் நீண்ட நேரம் காத்திருந்து படகு சவாரி செய்து வருகின்றனர். இது போன்ற பிரச்னைகளை சுற்றுலாத் துறையினர் சரி செய்திட நடவடிக்கை எடுக்க வேண்டும்.