பூரணாங்குப்பம் மார்க்கெட் பகுதியில் காய்கறி விற்பனை செய்பவர்கள் மற்றும் அந்த பகுதியில் உள்ள வீடுகளுக்குச் சென்று விசில் சின்னத்திற்கு ஓட்டு சேகரித்தார். அப்போது அவர் கூறுகையில், 'மணவெளி தொகுதியில் சாலைகள் குண்டும், குழியுமாக உள்ளது. நல்ல குடிநீர் இல்லாமல் மக்கள் அவதிப்படுகின்றனர். தவளக்குப்பத்தில் குறைந்த மின்ழுத்தம் இருப்பதால் மக்கள் பாதிக்கப்பட்டுள்ளனர். தேர்தலில் என்னை வெற்றிப்பெற செய்தால், இந்த பிரச்னைகளை தீர்த்து வைப்பேன்.

மேலும், கடலுார் சாலை என்.ஆர்., நகர், இடையார்பாளையம், பூரணாங்குப்பம், தவளக்குப்பத்தில், பயணிகள் நிழற்குடை அமைத்து தருவேன். பூரணாங்குப்பம் குடிநீர் சுத்திகரிப்பு நிலையம் ஏற்படுத்தப்படும்' என்றார். ஓட்டு சேகரிப்பின் போது த.வெ.க., தொகுதி நிர்வாகிகள், கிராம பெண்கள் உடனிருந்தனர்.