கவுண்டன்பாளையம், வழுதாவூர் சாலை, தொழிலாளர் துறை அலுவலகம் எதிரே தனியார் பேக்கரி செயல்பட்டு வருகிறது.

இந்த பேக்கரிக்கு நேற்று மதியம் அதே பகுதியை சேர்ந்த சிலர், பேக்கரியில் வாங்கி சென்ற கேக் சரியில்லை எனக் கூறி தகராறில் ஈடுபட்டு, ஊழியர்களை தாக்கினர்.

இதைதொடர்ந்து, பேக்கரியில் அத்துமீறி நுழைந்து ஊழியர்களை தாக்கும் வீடியோ சமூக வலைதளத்தில் வைரலானது. தகவலறிந்த தன்வந்தரி நகர் போலீசார் சம்பவ இடத்திற்கு வந்து விசாரணை நடத்தினர்.

இதற்கிடையே, நேற்று செய்தியாளர்களை சந்தித்த முன்னாள் முதல்வர் நாராயணசாமி, புதுச்சேரியில் சட்டம்- ஒழுங்கு சிறப்பாக உள்ளதாக உள்துறை அமைச்சர் நமச்சிவாயம் கூறி வருகிறார். ஆனால் முதல்வரின் வீட்டின் எதிரே இயங்கி வரும் பேக்கரியில் மர்மநபர்கள் அத்துமீறி நுழைந்து ஊழியர்களை தாக்குகின்றனர். இதை பார்க்கும் போது சட்டம் ஒழுங்கு சிறப்பாக உள்ளது என எப்படி கூற முடியும் என, குற்றம் சாட்டினார்.