மாணவ, மாணவியரின் வாசிப்பு திறனை மேம்படுத்தவும், பொது அறிவு செய்திகள், நாட்டு நடப்புகள், அறிவியல் கண்டுபிடிப்புகள், விஞ்ஞான வளர்ச்சி, தற்போதைய தொழில்நுட்ப அபிவிருத்திகள் உள்ளிட்ட அறிவியல் தகவல்களை மாணவர்களுக்கு எளிதில், புரியும் வகையில், 'தினமலர்' நாளிதழில், மாணவர் பதிப்பான பட்டம் இதழ், திங்கள் முதல் வெள்ளி வரை வெளியிடப்பட்டு வருகிறது.

இப் பட்டம் இதழ், புதுச்சேரி மிஷன் வீதி, வ.உ.சி., அரசு மேல்நிலைப்பள்ளி, மாணவர்களுக்கு, நேற்று வழங்கப்பட்டது.

நிகழ்ச்சியில், சிறப்பு விருந்தினராக பங்கேற்ற, பா.ஜ., மாநில தலைவர் ராமலிங்கம் இந்த கல்வியாண்டு முழுதும் மாணவர்களுக்கு பட்டம் இதழை வழங்கினார்.

பள்ளி முதல்வர் கரிமா தியாகி முன்னிலை வகித்தார். துணை முதல்வர் சாந்தகுமாரி, தலைமை ஆசிரியர் ஸ்ரீதர் உள்ளிட்ட ஆசிரியர்கள் உடனிருந்தனர்.