புதுச்சேரி எல்லைப்பகுதியான நெட்டப்பாக்கத்தில் கம்பன் அரசு மேல் நிலைப் பள்ளி அமைந் துள்ளது. இங்கு ஆயிரத்திற்கும் மேற்பட்ட மாணவ - மாணவிகள் பயின்று வருகின்றனர்.

பள்ளியில் இயற்கையான சூழலில் 5 ஏக்கர் பரப்பளவில் விளையாட்டு மைதானம் அமைந்துள்ளது. இங்கு பள்ளி மாணவ-மாணவிகள் மட்டுமின்றி, சுற்றியுள்ள பல்வேறு கிராமங்களை சேர்ந்த பொதுமக்கள், பள்ளி, கல்லுாரி மாணவ - மாணவிகள் காலை, மாலையில் விளையாட்டு, நடை மற்றும் ஓட்டப் பயிற்சி பெற்று வருகின்றனர்.

ஏம்பலம், நெட்டப்பாக்கம் தொகுதிகளை சேர்ந்த 50க்கும் மேற்பட்ட கிராமங்களுக்கு இப்பள்ளி விளையாட்டு மைதானம் மையப்பகுதியாக இருக்கிறது.

ஆகையால் கிராமப்புற பள்ளி, கல்லுாரி மாணவ-மாணவிகள் மற்றும் இளைஞர்கள் பயன்பெறும் வகையில் நெட்டப்பாக்கம் கம்பன் அரசு மேல்நிலைப் பள்ளி விளையாட்டு மைதானத்தில் இரவு நேர பயிற்சி மேற்கொள்ளும் வகையில் ஹைமாஸ் விளக்கும் மற்றும் மினி ஸ்டேடியம் அமைக்க அரசு நடடிக்கை எடுக்க வேண்டும்.