தமிழக பகுதியில் எஸ்.பி.,யின் கீழ் இயங்கும் சிறப்பு அதிரடிப்படை கஞ்சா பறிமுதல் செய்தால், அந்த பகுதி சட்டம் ஒழுங்கு போலீசார் மீது சஸ்பென்ட், மெமோ, இடமாற்றம் உத்தரவு பறக்கும். இதனால் கஞ்சா விற்பனையை போலீசார் தீவிரமாக கண்காணித்து வருகின்றனர். கஞ்சா விற்பனை குறித்து எஸ்.பி.,க்கு ரகசிய தகவல் தெரிவிக்க, அவரது மொபைல் போன் நம்பர் பொதுமக்களுக்கு தெரிவிக்கப்படும். அந்த நம்பரில் தெரிவிக்கும் தகவல்கள் ரகசியம் காக்கப்படும்.

புதுச்சேரியில் இதுபோன்று எந்த அதிகாரியும் தங்களின் மொபைல்போன் நம்பரை வெளியிட்டு தகவல் தெரிவிப்பது இல்லை. கஞ்சா விற்பனையை ஒழிக்க வழக்கு பதிவு செய்யும் அதிகாரத்துடன் கூடிய புதிய பிரிவு உருவாக்கி, அதற்கு தனி ஐ.பி.எஸ்., அதிகாரியை நியமிக்க வேண்டும். பொதுமக்கள் தகவல் தெரிவிக்க தனி மொபைல் எண் அறிவிக்க வேண்டும்.