புதுச்சேரி மற்றும் காரைக்காலை சேர்ந்த இரு முன்னாள் எம்.எல்.ஏ.,க்கள் சாமிநாதன், அசனா ஆகியோர் நேற்று முன்தினம் விஜய் முன்னிலையில் த.வெ.க.,வில் இணைந்தனர்.

இந்நிலையில், திருநள்ளாறு தொகுதியை சேர்ந்த சுயேச்சை எம்.எல்.ஏ.,வான பி.ஆர்.சிவா த.வெ.க.,வில் இணைய உள்ளதாக 'த.வெ.க., பொதுச்செயலாளர் ஆனந்துடன், பி.ஆர்.சிவா இணைந்து நிற்கும் படத்துடன் சமூக வலைதளங்களில் வைரலாகியது.

இதுகுறித்து பி.ஆர்.சிவாவிடம் கேட்டபோது, வாட்ஸ் ஆப்பில் வரும் தகவல் தவறு. நான் என்றும் முதல்வர் ரங்கசாமியின் விசுவாசி. ஓராண்டிற்கு முன் நண்பர் என்ற முறையில் ஆனந்துடன் பேசியபோது எடுத்த படத்தை சிலர், தற்போது சமூக வலைதளங்களில் பதிவிட்டு வதந்தியை பரப்பி வருகின்றனர். அது உண்மையல்ல என்றார்.