கிருமாம்பாக்கம் சப் இன்ஸ்பெக்டர் சண்முகசத்தியா தலைமையிலான போலீசார் நேற்று முன்தினம் ரோந்து சென்றனர்.

காட்டுக்குப்பம் பஸ் நிறுத்த பகுதியில், கஞ்சா விற்பனை செய்த வாலிபரை பிடித்து போலீசார் விசாரணை நடத்தினர். கன்னியகோவில் அடுத்த வார்க்கால்ஓடையை சேர்ந்த அபிராஜ் 20; என்பது தெரியவந்தது.

அவரை சோதனை செய்த போது, பேண்ட் பாக்கெட்டில் கஞ்சாவை விற்பனைக்காக வைத்திருப்பது தெரியவந்தது. அவரை கைது செய்த போலீசார், அவரிடமிருந்து 50 கிராம் கஞ்சாவை பறிமுதல் செய்தனர். அவரை , கோர்ட்டில் ஆஜர்படுத்தி காலப்பட்டு சிறையில் அடைத்தனர்.