டி.நகர்., போலீசார் நேற்று முன்தினம் கோரிமேடு பகுதியில் ரோந்து பணியில் ஈடுபட்டனர்.

அப்போது கனரக ஊர்தி முனையம் சாலை, வெள்ளவாரி வாய்க்கால் அருகில் நின்ற வாலிபரை போலீசார் பிடித்து விசாரித்தனர்.

அவர் செண்பகா நகர் மாரியம்மன் கோவில் தெருவை சேர்ந்த ஜெயகுமார், 22; என்பதும், பாக்கெட்டுகளில் கஞ்சா வைத்து விற்பனை செய்தது தெரியவந்தது.

போலீசார் அவரை கைது செய்து, அவரிடமிருந்து 50 கிராம் கஞ்சாவை பறிமுதல் செய்தனர். பின்னர் கோர்ட்டில் ஆஜர்படுத்தி, காலாப்பட்டு சிறையில் அடைத்தனர்.