லக்னோவில், சையது மோடி சர்வதேச 'சூப்பர் 300' பாட்மின்டன் தொடர் நடக்கிறது. ஆண்கள் ஒற்றையர் பிரிவு காலிறுதியில் இந்தியாவின் ஸ்ரீகாந்த், பிரியான்ஷு ரஜாவத் மோதினர். இதில் ஸ்ரீகாந்த் 21-14, 11-4 என முன்னிலை வகித்த போது பிரியான்ஷு காயத்தால் பாதியில் விலகினார். இதனையடுத்து ஸ்ரீகாந்த் வெற்றி பெற்றதாக அறிவிக்கப்பட்டு அரையிறுதிக்குள் நுழைந்தார்.

மற்றொரு காலிறுதியில் இந்தியாவின் மிதுன் மஞ்சுநாத் 21-18, 21-13 என சகவீரர் மன்ராஜ் சிங்கை வீழ்த்தினார்.

பெண்கள் ஒற்றையர் பிரிவு காலிறுதியில் இந்தியாவின் உன்னதி ஹூடா 21-15, 13-21, 21-16 என சகவீராங்கனை ரக் ஷிதா ஸ்ரீயை வீழ்த்தி அரையிறுதிக்கு முன்னேறினார். மற்றொரு காலிறுதியில் இந்தியாவின் தன்வி சர்மா 21-13, 21-19 என ஹாங்காங்கின் லோ சின் யான் ஹேப்பியை வீழ்த்தினார்.

பெண்கள் இரட்டையர் பிரிவு காலிறுதியில் இந்தியாவின் காயத்ரி கோபிசந்த், திரிசா ஜோடி 21-15, 21-16 என துருக்கியின் பெங்கிசு, நாஸ்லிகன் ஜோடியை வீழ்த்தியது.