தாய்லாந்தில் சர்வதேச பாட்மின்டன் தொடர் நேற்று துவங்கியது. கலப்பு இரட்டையர் முதல் சுற்றில் இந்தியாவின் சதிஷ்குமார் கருணாகரன், ஆத்யா வரியாத் ஜோடி, தாய்லாந்தின் மீசாய், பங்பா ஜோடியை எதிர்கொண்டது. இதில் இந்திய ஜோடி 21-17, 21-16 என்ற நேர் செட்டில் வெற்றி பெற்றது.

மற்றொரு போட்டியில் இந்தியாவின் சுமீத் ரெட்டி, சிக்கி ரெட்டி ஜோடி 12-21, 16-21 என இந்தோனேஷியாவின் ரினோவ், பிதா மென்ட் ஜோடியிடம் தோல்வியடைந்தது.

ஆண்கள் ஒற்றையருக்கான தகுதிச்சுற்று இரண்டாவது போட்டியில் இந்தியாவின் மெய்ரபா லுவாங், சக வீரர் ஷாஷ்வத் தலாலை 15-21, 21-14, 21-16 என்ற செட் கணக்கில் வீழ்த்தி, பிரதான சுற்றுக்குள் நுழைந்தார். இதில் இந்தியாவின் 'நம்பர்-1' வீரர் பிரனாயுடன் இன்று மோதுகிறார்.

தகுதிச்சுற்றில் முதல் போட்டியில் வென்ற இந்திய வீரர்கள் ஆயுஸ் ஷெட்டி, ரவி, இரண்டாவது போட்டியில் தோற்று வெளியேறினர்.