ஒடிசா மாநிலம் கட்டாக் நகரில், மாஸ்டர்ஸ் பாட்மின்டன் தொடர் நடக்கிறது. பெண்கள் ஒற்றையர் பிரிவு முதல் சுற்றில் இந்தியாவின் உன்னதி ஹூடா 18, ஐக்கிய அரபு எமிரேட்சின் பிரகிருதி பாரத் மோதினர். அபாரமாக ஆடிய உன்னதி 21-12, 21-18 என்ற நேர் செட் கணக்கில் வெற்றி பெற்றார்.

மற்றொரு முதல் சுற்று போட்டியில் இந்தியாவின் தான்வி சர்மா 21-8, 17-21, 21-18 என, ஜப்பானின் அனா இவாகியை வீழ்த்தினார். இந்தியாவின் அனுபமா 21-14, 21-13 என இந்தோனேஷியாவின் தலிலா அக்னியா புடேரியை வீழ்த்தி 2வது சுற்றுக்கு முன்னேறினார்.

மற்ற முதல் சுற்று போட்டிகளில் இந்திய வீராங்கனைகளான அன்மோல் கார்ப், இஷாராணி, தன்யா ஹேம்நாத், அதிதி பாட், தஸ்னிம் மிர் உள்ளிட்டோர் வெற்றி பெற்றனர்.

தருண் வெற்றி: ஆண்கள் ஒற்றையர் பிரிவு 2வது சுற்றில் இந்தியாவின் தருண், மானவ் சவுத்ரி மோதினர். இதில் தருண் 21-5, 21-8 என்ற நேர் செட் கணக்கில் வெற்றி பெற்றார். மற்றொரு 2வது சுற்றில் இந்தியாவின் கிரண் ஜார்ஜ் 21-12, 21-13 என சகவீரர் ராஜேஷ் ஸ்ரீகரை தோற்கடித்தார். இந்தியாவின் சங்கர் முத்துசாமி 21-19, 23-21 என சகவீரர் தர்ஷன் புஜாரியை வென்றார்.

மற்ற 2வது சுற்று போட்டிகளில் இந்திய வீரர்களான பிரியான்ஷு ரஜாவத், கோவிந்த் கிருஷ்ணா, ரோஹன் குமார், ஆர்யா, வருண் கபூர், சித்தாந்த் குப்தா உள்ளிட்டோர் வெற்றி பெற்றனர்.