சிட்னியில், 'சூப்பர் 500' அந்தஸ்து பெற்ற ஆஸ்திரேலிய ஓபன் பாட்மின்டன் தொடர் நடக்கிறது. ஆண்கள் ஒற்றையர் முதல் சுற்றில் இந்தியாவின் லக்சயா சென், தைவானின் லீ யங் சூவை சந்தித்தார். இதில் லக்சயா 21-17, 21-13 என்ற நேர் செட்டில் வெற்றி பெற்று காலிறுதிக்கு முந்தைய, இரண்டாவது சுற்றுக்கு முன்னேறினார்.

மற்றொரு போட்டியில் இந்தியாவின் பிரனாய், இந்தோனேஷியாவின் யோகானெசை எதிர்கொண்டார். இதில் பிரனாய், 6-21, 21-12, 21-17 என போராடி வெற்றி பெற்றார்.

இந்திய வீரர் தருண் மன்னெபள்ளி, 21-13, 17-21, 21-19 என்ற கணக்கில், டென்மார்க்கின் ஜோஹன்னெசனை வீழ்த்தினார். மற்றொரு போட்டியில் ஆயுஷ், 21-11, 21-15 என்ற நேர் செட்டில் கனடாவின் யுவான் சாமை வென்றார். இந்திய 'சீனியர்' வீரர் ஸ்ரீகாந்த், 21-19, 19-21, 21-15 என தைவானின் சியா லீயை வீழ்த்தினார். இந்தியாவின் கிரண், 21-11, 22-24, 17-21 என ஜப்பானின் நிஷிமோட்டோவிடம் தோல்வியடைந்தார்.