மற்றொரு போட்டியில் இந்தியாவின் முன்னணி வீரர் பிரனாய் ('நம்பர்-33'), 75வது இடத்திலுள்ள இந்தோனேஷியாவின் மார்செல்லியோவை சந்தித்தார். இதில் பிரனாய் 21-18, 15-21, 16-21 என்ற கணக்கில் போராடி தோல்வியடைந்தார். மற்ற இந்திய வீரர்கள் சதிஷ்குமார், கிரண் ஜார்ஜ், சுப்ரமணியன், கருணாகரன் முதல் சுற்றில் தோல்வியடைந்தனர்.

பெண்கள் ஒற்றையர் முதல் சுற்றில் இந்தியாவின் ரக் ஷித்தா, தாய்லாந்தின் பர்ன்பிச்சா மோதினர். முதல் செட்டை 18-21 என இழந்த ரக் ஷித்தா, அடுத்த இரு செட்டை 21-17, 22-20 என வசப்படுத்தினார். முடிவில் ரக் ஷித்தா 18-21, 21-17, 22-20 என போராடி வெற்றி பெற்றார்.

மற்ற முதல் சுற்று போட்டிகளில் இந்திய வீராங்கனைகள் உன்னதி, ஆகர்ஷி, அன்மோல், தஸ்னிம் மிர் தோல்வியடைந்தனர்.