டில்லியில், இந்திய ஓபன் 'சூப்பர் 750' பாட்மின்டன் தொடர் நேற்று துவங்கியது. ஆண்கள் ஒற்றையர் முதல் சுற்றில் இந்தியாவின் முன்னணி வீரர்கள் லக்சயா சென், ஆயுஷ் ஷெட்டி மோதினர். முதல் செட்டை லக்சயா 21-12 என வசப்படுத்தினார். தொடர்ந்து அசத்திய இவர், அடுத்த செட்டை 21-15 என கைப்பற்றினார். 36 நிமிடம் நடந்த போட்டியின் முடிவில் லக்சயா சென், 21-13, 21-15 என்ற நேர் செட்டில் வெற்றி பெற்றார்.

பெண்கள் இரட்டையர் முதல் சுற்றில் இந்தியாவின் காயத்ரி, திரீஷா ஜோடி, தாய்லாந்தின் ஆர்னிச்சா, சுகிட்டா ஜோடியை சந்தித்தது. முதல் செட்டை இந்திய ஜோடி 21-15 என கைப்பற்றியது. தொடர்ந்து இரண்டாவது செட்டை 21-11 என கைப்பற்றியது. 42 நிமிடம் நடந்த போட்டியின் முடிவில் இந்திய ஜோடி 21-15, 21-11 என்ற கணக்கில் வென்றது.

மற்றொரு போட்டியில் இந்தியாவின் பிரியா, ஷ்ருதி ஜோடி 11-21, 22-20, 22-24 என்ற செட் கணக்கில் ஹாங்காங்கின் ஹியு யன், லுய் ஜோடியிடம் போராடி தோற்றது.

ஆண்கள் இரட்டையர் முதல் சுற்றில் இந்தியாவின் ஹரிஹரன் (தமிழகம்), அர்ஜுன் ஜோடி, 21-15, 21-18 என மலேசியாவின் ஈவ் சின் ஆங், இ தியோ ஏ ஜோடியை சாய்த்து, காலிறுதிக்கு முந்தைய சுற்றுக்கு முன்னேறியது.

கலப்பு இரட்டையரில் இந்தியாவின் துருவ் ராவத், மனீஷா ஜோடி, 9-21, 10-21 என்ற நேர் செட்டில் ஜப்பானின் ஹிரோகி, மட்சுயமா ஜோடியிடம் தோல்வியடைந்தது.