சீனாவின் பாவோஜி சிட்டி நகரில், மாஸ்டர்ஸ் பாட்மின்டன் தொடர் நடக்கிறது. பெண்கள் ஒற்றையரில் இந்தியாவின் ஸ்ரீயான்ஷி பங்கேற்றார். கடந்த வாரம் மெக்சிகோ நகரில் நடந்த தொடரில் சாம்பியன் ஆன ஸ்ரீயான்ஷி, இத்தொடரின் 'நம்பர்-3' அந்தஸ்து பெற்ற வீராங்கனையாக களமிறங்கினார்.

இம்முறை அரையிறுதிக்கு முன்னேறினார். இதில் சீன வீராங்கனை ஜு வென் ஜிங்குடன் மோதினார். முதல் செட்டை ஸ்ரீயான்ஷி 21-13 என எளிதாக கைப்பற்றினார். தொடர்ந்து சிறப்பாக செயல்பட்ட இவர், அடுத்த செட்டையும் 21-17 என வசப்படுத்தினார். 37 நிமிடம் நடந்த முடிவில் ஸ்ரீயான்ஷி, 21-13, 21-17 என நேர் செட்டில் வென்று, பைனலுக்கு முன்னேறினார்.