முதல் செட்டை 21-9 என எளிதாக வென்ற சிந்து, அடுத்த செட்டை 21-12 என வசப்படுத்தினார். 37 நிமிடம் மட்டும் நடந்த போட்டி முடிவில், சிந்து 21-9, 21-12 என்ற நேர் செட்டில் வெற்றி பெற்று, காலிறுதிக்கு முன்னேறினார்.

ஆண்கள் ஒற்றையர் இரண்டாவது சுற்றில் இந்தியாவின் லக்சயா சென், 'நம்பர்-2' வீரர், தாய்லாந்தின் விதித்சர்னை சந்தித்தார். முதல் செட்டில் லக்சயா 2-0 என முன்னிலையில் இருந்த போது, காயம் காரணமாக விதித்சர்ன் விலகினார். லக்சயா காலிறுதிக்குள் நுழைந்தார்.

ஆண்கள் இரட்டையர் இரண்டாவது சுற்றில் இந்தியாவின் சாத்விக்சாய்ராஜ், சிராக் ஷெட்டி ஜோடி, சீன தைபேவின் லீ ஜே, யாங் ஜோடியை சந்தித்தது. இதில் இந்திய ஜோடி 21-15, 11-21, 21-18 என போராடி வென்று, காலிறுதிக்கு முன்னேறியது.

கலப்பு இரட்டையரில் இந்தியாவின் துருவ் கபிலா, தனிஷா கிராஸ்டோ ஜோடி, 8-21, 21-17, 21-16 என ஜப்பானின் வடனபே, டகுச்சி ஜோடியை வென்று, காலிறுதிக்குள் நுழைந்தது.

ஆண்கள் ஒற்றையர் இரண்டாவது சுற்றில் இந்தியாவின் பிரனாய், 18-21, 21-16, 15-21 என இந்தோனேஷியாவின் லோ கியானிடம் போராடி தோல்வியடைந்தார்.