ஜெர்மனியில் 'சூப்பர் 300' அந்தஸ்து பெற்ற ஜெர்மன் ஓபன் பாட்மின்டன் தொடர் நடக்கிறது. ஆண்கள் ஒற்றையர் பிரிவு முதல் சுற்றில் இந்தியாவின் சதிஷ் குமார் கருணாகரன், இஸ்ரேலின் மிஷா ஜில்பெர்மன் மோதினர். முதல் செட்டை 21-18 எனக் கைப்பற்றிய சதிஷ் குமார், இரண்டாவது செட்டை 19-21 என இழந்தார். வெற்றியாளரை நிர்ணயிக்கும் மூன்றாவது செட்டில் எழுச்சி கண்ட இவர் 21-19 என தன்வசப்படுத்தி பதிலடி கொடுத்தார். முடிவில் சதிஷ் குமார் 21-18, 19-21, 21-19 என்ற கணக்கில் வெற்றி பெற்று 2வது சுற்றுக்கு முன்னேறினார்.

பெண்கள் இரட்டையர் பிரிவு முதல் சுற்றில் இந்தியாவின் திரீஷா, காயத்ரி கோபிசந்த் ஜோடி 18-21, 21-11, 21-13 என சீனதைபேயின் யின்-ஹுய் ஹசு, ஜி யுன் லின் ஜோடியை வீழ்த்தியது.மற்றொரு போட்டியில் இந்தியாவின் ருதுபர்ணா, ஸ்வேதாபர்ணா ஜோடி 17-21, 21-10, 14-21 என ஜெர்மனியின் அமேலி லெஹ்மான் காரா சீப்ரெக்ட் ஜோடியிடம் தோல்வியடைந்தது.