பிரான்சின் பாரிசில் பிரெஞ்ச் ஓபன் பாட்மின்டன் தொடரின் 94வது சீசன் துவங்கியது. ஆண்கள் இரட்டையர் முதல் சுற்றில் இந்தியாவின் சாத்விக்சாய்ராஜ், சிராக் ஷெட்டி ஜோடி, மலேசியாவின் இயுவ் சின், தியோ ஏயி ஜோடியை சந்தித்தது. முதல் செட்டை இந்திய ஜோடி 21-13 என கைப்பற்றியது. இரண்டாவது செட் இழுபறியாக இருந்தது. இதை இந்திய ஜோடி 24-22 என போராடி வசப்படுத்தியது. முடிவில் இந்திய ஜோடி 21-13, 24-22 என்ற நேர் செட்டில் வெற்றி பெற்றது.

பெண்கள் இரட்டையர் முதல் சுற்றில் இந்தியாவின் திரீஷா-காயத்ரி, தனிஷா-அஷ்வினி ஜோடி மோதின. முதல் செட்டை அஷ்வினி ஜோடி 21-16 என வென்றது. பின் அடுத்த செட்டை காயத்ரி ஜோடி 21-19 என வசப்படுத்தியது. தொடர்ந்து மூன்றாவது செட்டை காயத்ரி ஜோடி 21-17 என கைப்பற்றியது. முடிவில் காயத்ரி ஜோடி 16-21, 21-19, 21-17 என வென்று காலிறுதிக்கு முந்தைய சுற்றுக்குள் நுழைந்தது.

ஆண்கள் ஒற்றையர் முதல் சுற்றில் இந்திய வீரர் லக்சயா சென், ஜப்பானின் கன்டா சுனேயமா மோதினர். இதில் லக்சயா சென் 15-21, 21-15, 21-3 என்ற கணக்கில் வெற்றி பெற்றார்.