சீனாவின் செங்டு நகரில், ஆசிய ஜூனியர் (15, 17 வயது) பாட்மின்டன் சாம்பியன்ஷிப் தொடர் நடக்கிறது. பெண்கள் ஒற்றையர் பிரிவு (17 வயது) 2வது சுற்றில் இந்தியாவின் லக்சயா, சீனதைபேயின் குவான் யி லின் மோதினர். இதில் லக்சயா 21-17, 21-11 என்ற நேர் செட் கணக்கில் வெற்றி பெற்றார். மற்றொரு 2வது சுற்று போட்டியில் இந்தியாவின் திக் ஷா 17-21, 21-16, 21-11 என சீனாவின் யா ரு லுவோவை வீழ்த்தினார்.

ஆண்கள் ஒற்றையர் பிரிவு (17 வயது) 2வது சுற்றில் இந்தியாவின் ஜாக் ஷேர் சிங் 21-14, 21-17 என சீனாவின் பெங் யூ ஜாங்கை வீழ்த்தினார். மற்ற 2வது சுற்று போட்டிகளில் இந்தியாவின் நிஷ்சல் சந்த், ஹர்திக் திவ்யான்ஷ் தோல்வியடைந்தனர்.

ஆண்கள் ஒற்றையர் பிரிவு (15 வயது) 2வது சுற்று போட்டியில் இந்தியாவின் தக் ஷன் சுகுமாறன் 21-23, 21-9, 21-15 என ஜப்பானின் டாகு யமாகுச்சியை வீழ்த்தினார். மற்றொரு போட்டியில் இந்தியாவின் வாசிர் சிங் 17-21, 21-19, 22-20 என ஜப்பானின் ஒசுகே டகாஹடாவை வென்றார்.

பெண்கள் ஒற்றையர் பிரிவு (15 வயது) 2வது சுற்றில் இந்தியாவின் அன்வி ரத்தோர் 21-13, 15-21, 21-18 என ஜப்பானின் யுசுனா அனாமியை வீழ்த்தினார்.