பாங்காக்கில், தாய்லாந்து ஓபன் 'சூப்பர் 500' பாட்மின்டன் தொடர் நடக்கிறது. ஆண்கள் ஒற்றையர் பிரிவு முதல் சுற்றில் இந்தியாவின் லக்சயா சென், அயர்லாந்தின் நுயென் மோதினர். இதில் ஏமாற்றிய லக்சயா 18-21, 21-9, 17-21 என்ற கணக்கில் தோல்வியடைந்து வெளியேறினார்.

மற்றொரு போட்டியில் இந்தியாவின் பிரியான்ஷு ரஜாவத் 13-21, 21-17, 16-21 என இந்தோனேஷியாவின் ஆல்வி பர்ஹானிடம் தோல்வியடைந்தார்.

பெண்கள் ஒற்றையர் பிரிவு முதல் சுற்றில் இந்தியாவின் மாளவிகா பன்சோத், துருக்கியின் நெஸ்லிஹான் அரின் மோதினர். அபாரமாக ஆடிய மாளவிகா 21-12, 13-21, 21-17 என்ற கணக்கில் வெற்றி பெற்றார். மற்றொரு போட்டியில் இந்தியாவின் ஆகர்ஷி காஷ்யப் 21-16, 20-22, 22-20 என ஜப்பானின் சுகியமாவை தோற்கடித்தார். இந்தியாவின் உன்னதி ஹூடா 21-14, 18-21, 23-21 என தாய்லாந்தின் தமோன்வானை வென்றார்.

இந்தியாவின் ரக் ஷிதா ஸ்ரீ 18-21, 7-21 என சிங்கப்பூரின் யோ ஜியா மின்னிடம் வீழ்ந்தார்.பெண்கள் இரட்டையர் பிரிவு முதல் சுற்றில் இந்தியாவின் திரிசா, காயத்ரி கோபிசந்த் ஜோடி 21-15, 21-13 என மலேசியாவின் கார்மென் டிங், ஆங் ஜின் யீ ஜோடியை வென்றது.