அசாமின் கவுகாத்தியில், 'சூப்பர் 100' அந்தஸ்து பெற்ற மாஸ்டர்ஸ் பாட்மின்டன் தொடர் நடக்கிறது. இதன் ஆண்கள் ஒற்றையர் பிரிவு முதல் சுற்றில் இந்தியாவின் சதிஷ் குமார் கருணாகரன், சீனாவின் ஜி ஜுன் வாங் மோதினர். இதில் சதிஷ் குமார் 19-21, 21-16, 21-17 என்ற கணக்கில் வெற்றி பெற்றார்.

மற்றொரு போட்டியில் இந்தியாவின் ஆயுஷ் ஷெட்டி 21-11, 21-11 என்ற நேர் செட் கணக்கில் சகவீரர் மிதுன் மஞ்சுநாத்தை தோற்கடித்தார். இந்தியாவின் தருண் 13-21, 21-11, 21-7 என சகவீரர் அபினவ் தாகூரை வென்றார். இந்தியாவின் சங்கர் முத்துசாமி 21-10, 21-8 என சகவீரர் அபியான்ஷ் சிங்கை வீழ்த்தினார்.

பெண்கள் ஒற்றையர் பிரிவு முதல் சுற்றில் இந்தியாவின் தன்வி சர்மா, தன்யா ஹேம்நாத் மோதினர். இதில் தன்வி சர்மா 21-18, 21-14 என்ற நேர் செட் கணக்கில் வெற்றி பெற்றார். மற்றொரு போட்டியில் இந்தியாவின் அன்மோல் கார்ப் 21-10, 18-21, 21-18 என சகவீராங்கனை இஷாராணியை வென்றார்.

இந்தியாவின் உன்னாதி ஹூடா 19-21, 14-21 என சகவீராங்கனை ஸ்ரீயான்ஷியிடம் தோல்வியடைந்தார். இந்தியாவின் தஸ்னிம் மிர் 21-13, 19-21, 24-22 என சகவீராங்கனை இரா சர்மாவை தோற்கடித்தார்.

கலப்பு இரட்டையர் முதல் சுற்றில் இந்தியாவின் துருவ் கபிலா, தனிஷா கிராஸ்டோ ஜோடி 22-20, 21-19 என சீன ஜோடியை வீழ்த்தியது. பெண்கள் இரட்டையர் முதல் சுற்றில் இந்தியாவின் அஷ்வினி பொன்னப்பா, தனிஷா கிராஸ்டோ ஜோடி வெற்றி பெற்றது.