நைஜீரியாவின் அபியா நகரில், மாற்றுத்திறனாளிகளுக்கான சர்வதேச பாரா பாட்மின்டன் முதல் சீசன் நடந்தது. இதன் ஆண்கள் ஒற்றையர் பிரிவு ('எஸ்.எல்.3') பைனலில் இந்தியாவின் பிரமோத் பகத் 21-7, 9-21, 21-9 என சகவீரர் மந்து குமாரை வீழ்த்தி, தங்கம் வென்றார்.

ஆண்கள் இரட்டையர் பிரிவு ('எஸ்.எல்.3-4') பைனலில் இந்தியாவின் பிரமோத் பகத், சுகந்த் கடம் ஜோடி 21-13, 21-18 என நைஜீரியாவின் ஒபின்னா பிரிசியஸ், சிகோஜி ஜெரிமியா ஜோடியை வீழ்த்தி தங்கத்தை கைப்பற்றியது.

கலப்பு இரட்டையர் பிரிவு ('எஸ்.எல்.3' - 'எஸ்.யு.5') பைனலில் இந்தியாவின் பிரமோத் பகத், ஆரத்தி பாட்டீல் ஜோடி 21-13, 21-17 என பெருவின் கெர்சன் லாஸ்டானால், டயானா ரோஜஸ் கோலக் ஜோடியை வீழ்த்தி தங்கம் வென்றது. இதன்மூலம் பிரமோத் பகத் 37, 'ஹாட்ரிக்' தங்கத்தை தட்டிச் சென்றார். மற்றொரு இந்திய வீரர் ரஞ்சித் சிங், மூன்று வெண்கலம் வென்றார்.

இத்தொடரில் இந்தியாவுக்கு 6 தங்கம், 5 வெள்ளி, 16 வெண்கலம் என, 27 பதக்கம் கிடைத்தன.