சீனாவில், 'சூப்பர் 750' அந்தஸ்து பெற்ற மாஸ்டர்ஸ் பாட்மின்டன் தொடர் நடக்கிறது. இதன் ஆண்கள் இரட்டையர் பிரிவு அரையிறுதியில் இந்தியாவின் சாத்விக்சாய்ராஜ், சிராக் ஷெட்டி ஜோடி, தென் கொரியாவின் ஜின் யோங், சியோ செயுங் ஜெ ஜோடியை சந்தித்தது. முதல் செட்டை 18-21 என போராடி இழந்த இந்திய ஜோடி, இரண்டாவது செட்டை 21-14 எனக் கைப்பற்றி பதிலடி கொடுத்தது. வெற்றியாளரை நிர்ணயிக்கும் மூன்றாவது செட்டில் ஏமாற்றிய இந்திய ஜோடி 16-21 எனக் கோட்டைவிட்டது.

ஒரு மணி நேரம், 14 நிமிடம் நீடித்த போட்டியில் சாத்விக்சாய்ராஜ், சிராக் ஷெட்டி ஜோடி 18-21, 21-14, 16-21 என்ற கணக்கில் தோல்வியடைந்து வெளியேறியது. இத்தொடரில் இந்திய நட்சத்திரங்களின் பங்களிப்பு முடிவுக்கு வந்தது. ஏற்கனவே சிந்து, லக்சயா சென், மாளவிகா உள்ளிட்டோர் தோல்வியடைந்தனர்.