சீனாவில், 'சூப்பர் 750' அந்தஸ்து பெற்ற மாஸ்டர்ஸ் பாட்மின்டன் தொடர் நடக்கிறது. இதன் பெண்கள் ஒற்றையர் பிரிவு முதல் சுற்றில் இந்தியாவின் சிந்து, தாய்லாந்தின் புசானன் மோதினர். மொத்தம் 50 நிமிடம் நீடித்த போட்டியில் அபாரமாக ஆடிய சிந்து 21-17, 21-19 என்ற நேர் செட் கணக்கில் வெற்றி பெற்றார். இது, புசாசனுக்கு எதிராக சிந்து பெற்ற 20வது வெற்றி. இதுவரை 21 போட்டியில் மோதினர். இதில் ஒரு முறை மட்டும் சிந்து தோல்வியடைந்தார்.

மற்றொரு போட்டியில் இந்தியாவின் மாளவிகா பன்சோத், டென்மார்க்கின் லைன் ஹோஜ்மார்க் மோதினர். இதில் மாளவிகா 20-22, 23-21, 21-16 என்ற கணக்கில் வெற்றி பெற்றார்.

ஆண்கள் ஒற்றையர் பிரிவு முதல் சுற்றில் இந்தியாவின் லக்சயா சென், மலேசியாவின் லீ ஜீ ஜியா மோதினர். இதில் லக்சயா சென் 21-14, 13-21, 21-13 என்ற கணக்கில் வெற்றி பெற்று இரண்டாவது சுற்றுக்குள் நுழைந்தார்.

பெண்கள் இரட்டையர் பிரிவு முதல் சுற்றில் இந்தியாவின் திரீசா, காயத்ரி கோபிசந்த் ஜோடி 21-15, 21-14 என்ற நேர் செட் கணக்கில் சீனதைபேயின் ஹு லிங் பாங், ஜெங் யு சி ஜோடியை வீழ்த்தியது.