சுவிட்சர்லாந்தில் 'சுவிஸ் ஓபன் சூப்பர் 300' பாட்மின்டன் தொடர் நடக்கிறது. ஆண்கள் ஒற்றையர் முதல் சுற்றில் இந்தியாவின் இளம் வீரர் லக்சயா சென், மலேசியாவின் லியாங் ஹாவோவை சந்தித்தார். இதில் லக்சயா 21-19, 15-21, 21-11 என்ற செட் கணக்கில் போராடி வெற்றி பெற்றார்.

மற்றொரு ஒற்றையர் போட்டியில் இந்திய வீரர் ஸ்ரீகாந்த், தென் கொரியாவின் வாங் வெய்யை சந்தித்தார். இதில் ஸ்ரீகாந்த் 21-17, 21-18 என்ற நேர் செட்டில் வெற்றி பெற்றார்.

பெண்கள் ஒற்றையர் முதல் சுற்றில் இந்தியாவின் சிந்து 21-12, 21-13 என்ற கணக்கில் தாய்லாந்தின் பார்ன்பிச்சாவை வீழ்த்தினார். பெண்கள் இரட்டையர் முதல் சுற்றில் இந்தியாவின் அஷ்வினி, தனிஷா ஜோடி 21-18, 12-21, 21-19 என இந்தோனேஷிய ஜோடியை வீழ்த்தியது. மற்றொரு போட்டியில் இந்தியாவின் பிரியா, ஷ்ருதி ஜோடி 21-13, 21-19 என தென் கொரிய ஜோடியை சாய்த்து, இரண்டாவது சுற்றுக்குள் நுழைந்தது.