சுவிட்சர்லாந்தின் பசல் நகரில் 'சூப்பர் 300' அந்தஸ்து பெற்ற சுவிஸ் ஓபன் பாட்மின்டன் தொடர் நடக்கிறது. இதன் ஆண்கள் ஒற்றையர் பிரிவு அரையிறுதியில் இந்தியாவின் ஸ்ரீகாந்த், சீனதைபேயின் லின் சுன்-யி மோதினர். முதல் செட்டை 21-15 எனக் கைப்பற்றிய ஸ்ரீகாந்த், இரண்டாவது செட்டை 9-21 என இழந்தார். வெற்றியாளரை நிர்ணயிக்கும் மூன்றாவது செட்டில் மீண்டும் ஏமாற்றிய இவர் 18-21 என போராடி கோட்டைவிட்டார்.

ஒரு மணி நேரம், 5 நிமிடம் நீடித்த போட்டியில் ஸ்ரீகாந்த் 21-15, 9-21, 18-21 என்ற கணக்கில் தோல்வியடைந்து வெளியேறினார்.