தாய்லாந்தில் சர்வதேச பாட்மின்டன் தொடர் நடக்கிறது. ஆண்கள் இரட்டையர் முதல் சுற்றில் இந்தியாவின் சாத்விக்சாய்ராஜ், சிராக் ஷெட்டி ஜோடி, மலேசியாவின் நுார் முகமது, வீ கியாங் ஜோடியை எதிர்கொண்டது. முதல் செட்டை இந்திய ஜோடி 21-13 என கைப்பற்றியது.

தொடர்ந்து சிறப்பாக செயல்பட்ட இந்திய ஜோடி, அடுத்த செட்டையும் 21-13 என வசப்படுத்தியது. முடிவில் இந்திய ஜோடி 21-13, 21-13 என்ற நேர் செட்டில் வெற்றி பெற்று, இரண்டாவது சுற்றுக்கு முன்னேறியது.

மெய்ரபா கலக்கல்

ஆண்கள் ஒற்றையர் முதல் சுற்றில் இத்தொடரின் 'நம்பர்-5' அந்தஸ்து பெற்ற இந்தியாவின் பிரனாய், தகுதிச்சுற்றில் இருந்து முன்னேறிய சக வீரர் மெய்ரபா லுவாங்கை சந்தித்தார். முதல் செட்டை 19-21 என இழந்த பிரனாய், அடுத்த செட்டையும் 18-21 என கோட்டை விட்டார். முடிவில் மெய்ரபா, 21-19, 21-18 என வெற்றி பெற்று, பிரனாய்க்கு அதிர்ச்சி கொடுத்தார்.

பெண்கள் ஒற்றையரில் இந்தியாவின் அஷ்மிதா சலிஹா, இந்தோனேஷியாவின் நுாருமியுடன் மோதினார். இதில் அஷ்மிதா, 19-21, 2115, 21-14 என போராடி வெற்றி பெற்றார். மற்றொரு வீராங்கனை மாளவிகா 11-21, 10-21 என சீனாவின் ஹான் யுவேயிடம் தோல்வியடைந்தார்.