சீனாவில், 'சூப்பர் 1000' சர்வதேச பாட்மின்டன் தொடர் நடக்கிறது. பெண்கள் ஒற்றையர் பிரிவு 2வது சுற்றில் இந்தியாவின் சிந்து 30, சகவீராங்கனை உன்னதி ஹூடா 17, மோதினர். ஒரு மணி நேரம், 13 நிமிடம் நீடித்த போட்டியில் உன்னதி 21-16, 19-21, 23-21 என்ற கணக்கில் வெற்றி பெற்று, 'சூப்பர் 1000' அந்தஸ்து பெற்ற தொடரில் முதன்முறையாக காலிறுதிக்கு முன்னேறினார்.

ஆண்கள் இரட்டையர் பிரிவு 2வது சுற்றில் இந்தியாவின் சாத்விக்சாய்ராஜ், சிராக் ஷெட்டி ஜோடி 21-19, 21-19 என இந்தோனேஷியாவின் பகாஸ் மவுலானா, லியோ ரோலி கார்னாண்டோ ஜோடியை வீழ்த்தியது.

ஆண்கள் ஒற்றையர் பிரிவு 2வது சுற்றில் இந்தியாவின் பிரனாய், 21-18, 15-21, 8-21 என சீனதைபேயின் சோவ் டியென்-சென்னிடம் தோல்வியடைந்தார்.