இங்கிலாந்து அணிக்கு மையா (14), டேனி வயாத் (16) ஜோடி துவக்கம் தந்தது. நாட் சிவர் (57), அரைசதம் கடந்தார். இங்கிலாந்து அணி 20 ஓவரில் 141/7 ரன் எடுத்தது.

அடுத்து களமிறங்கிய வெஸ்ட் இண்டீஸ் அணிக்கு கேப்டன் ஹேலே மாத்யூஸ் (50), குயானா (52) ஜோடி சூப்பர் துவக்கம் தந்தது. டாட்டின் 19 பந்தில் 27 ரன் எடுக்க, வெஸ்ட் இண்டீஸ் அணி 18 ஓவரில் 144/4 ரன் எடுத்து, 6 விக்கெட்டில் வெற்றி பெற்றது.

இதையடுத்து பட்டியலில் தலா 6 புள்ளியுடன் முதல் இரு இடம் பெற்ற வெஸ்ட் இண்டீஸ், தென் ஆப்ரிக்க அணிகள் அரையிறுதிக்கு முன்னேறின. இங்கிலாந்து 6 புள்ளி பெற்ற போதும், ரன்ரேட் அடிப்படையில் மூன்றாவது இடத்துக்கு தள்ளப்பட்டு, தொடரில் இருந்து வெளியேறியது.

அரையிறுதியில் ஆஸ்திரேலியா-தென் ஆப்ரிக்கா (அக். 17), வெஸ்ட் இண்டீஸ்-நியூசிலாந்து (அக். 18) அணிகள் மோத உள்ளன.