இங்கிலாந்து சென்றுள்ள ஆஸ்திரேலிய அணி, ஐந்து போட்டிகள் கொண்ட ஒருநாள் தொடரில் பங்கேற்கிறது. முதலிரண்டு போட்டியில் ஆஸ்திரேலியா வென்றது. மூன்றாவது போட்டி செஸ்டர்-லி-ஸ்டிரீட்டில் நடந்தது. 'டாஸ்' வென்ற இங்கிலாந்து 'பீல்டிங்' தேர்வு செய்தது.

ஆஸ்திரேலிய அணிக்கு ஸ்டீவ் ஸ்மித் (60), அலெக்ஸ் கேரி (77*) நம்பிக்கை தந்தனர். கிரீன் (42), ஹார்டி (44) கைகொடுக்க ஆஸ்திரேலிய அணி 50 ஓவரில் 7 விக்கெட்டுக்கு 304 ரன் எடுத்தது.

புரூக் அபாரம்: சவாலான இலக்கை விரட்டிய இங்கிலாந்து அணிக்கு பில் சால்ட் (0), பென் டக்கெட் (8) ஏமாற்றினர். வில் ஜாக்ஸ் (84) அரைசதம் கடந்தார். கேப்டன் ஹாரி புரூக் சதம் விளாசினார். இங்கிலாந்து அணி 37.4 ஓவரில் 4 விக்கெட்டுக்கு 254 ரன் எடுத்திருந்த போது மழையால் ஆட்டம் நிறுத்தப்பட்டது. புரூக் (110), லிவிங்ஸ்டன் (33) அவுட்டாகாமல் இருந்தனர்.

மழை நீடிக்க 'டக்வொர்த் லீவிஸ்' விதிப்படி வெற்றி பெற்ற அணி முடிவு செய்யப்பட்டது. இதன்படி 37.4 ஓவரில், 209 ரன் எடுத்திருக்க வேண்டும். இங்கிலாந்து அணி, 254 ரன் எடுத்திருந்ததால், 46 ரன் வித்தியாசத்தில் வெற்றி பெற்றதாக அறிவிக்கப்பட்டது.

ஆட்ட நாயகன் விருதை புரூக் வென்றார். ஆஸ்திரேலிய அணி 2-1 என முன்னிலையில் உள்ளது.