லண்டன், லார்ட்ஸ் மைதானத்தில், இங்கிலாந்து, பாகிஸ்தான் அணிகள் மோதும் 2வது டெஸ்ட் நடக்கிறது. முதல் இன்னிங்சில் இங்கிலாந்து 290, பாகிஸ்தான் 110 ரன் எடுத்தன. இரண்டாம் நாள் முடிவில் இங்கிலாந்து அணி 2வது இன்னிங்சில் 81/3 ரன் எடுத்திருந்தது. எமிலியோ (30), புரூக் (7) அவுட்டாகாமல் இருந்தனர்.

மூன்றாம் நாள் ஆட்டம் மழையால் 3 மணி நேரத்திற்கு மேல் தாமதமாக துவங்கியது. முகமது அபாஸ் பந்தில் எமிலியோ (31) அவுட்டானார். இங்கிலாந்து அணி 99/4 ரன் எடுத்திருந்த போது மீண்டும் மழை குறுக்கிட்டது. ஹாரி புரூக் (34) ஓரளவு கைகொடுத்தார். ஜேமி ஸ்மித் (7), அட்கின்சன் (7) ஏமாற்றினர். பொறுப்பாக ஆடிய டான் லாரன்ஸ், 64 பந்தில் அரைசதம் எட்டினார்.

இங்கிலாந்து அணி 2வது இன்னிங்சில் 177/7 ரன் எடுத்து, 357 ரன் முன்னிலையில் இருந்த போது, ஆட்டம் மழையால் நிறுத்திவைக்கப்பட்டது. லாரன்ஸ் (50), ராபின்சன் (2) அவுட்டாகாமல் இருந்தனர்.