வெஸ்ட் இண்டீஸ் சென்ற இங்கிலாந்து அணி, ஐந்து போட்டிகள் கொண்ட 'டி-20' தொடரில் பங்கேற்றது. முதல் நான்கு போட்டியின் முடிவில் இங்கிலாந்து அணி 3-1 என ஏற்கனவே தொடரை கைப்பற்றியது. ஐந்தாவது போட்டி செயின்ட் லுாசியாவில் நடந்தது. 'டாஸ்' வென்ற இங்கிலாந்து அணி 'பீல்டிங்' தேர்வு செய்தது.

வெஸ்ட் இண்டீஸ் அணி 5 ஓவரில் விக்கெட் இழப்பின்றி 44 ரன் எடுத்திருந்த போது மழையால் போட்டி நிறுத்தப்பட்டது. மழை தொடர்ந்ததால் போட்டியை பாதியில் ரத்து செய்யப்பட்டது. தொடர் நாயகன் விருதை இங்கிலாந்தின் சாகிப் மஹ்மூத் (9 விக்.,) வென்றார்.