டெஸ்ட் அரங்கில் சிறந்து விளங்கும் வீரர்களுக்கான தரவரிசை பட்டியலை சர்வதேச கிரிக்கெட் கவுன்சில் (ஐ.சி.சி.,) துபாயில் வெளியிட்டது. 'ஆல்-ரவுண்டர்' தரவரிசையில் இந்தியாவின் ரவிந்திர ஜடேஜா, 422 புள்ளிகளுடன் 'நம்பர்-1' இடத்தை தக்கவைத்துக் கொண்டார். மான்செஸ்டர் டெஸ்டில் 'ஆல்-ரவுண்டராக' (4 விக்கெட், 107* ரன்) அசத்தினார்.

இப்பட்டியலில் 8 இடம் முன்னேறிய தமிழகத்தின் வாஷிங்டன் சுந்தர், 13வது இடத்தை நியூசிலாந்தின் மாட் ஹென்றியுடன் பகிர்ந்து கொண்டார். இங்கிலாந்து கேப்டன் பென் ஸ்டோக்ஸ் (301 புள்ளி) 6வது இடத்தில் இருந்து 3வது இடத்துக்கு முன்னேறினார்.

பன்ட் 'நம்பர்-7': பேட்டர் தரவரிசையில் இந்திய விக்கெட் கீப்பர் ரிஷாப் பன்ட் (776), 7வது இடத்துக்கு முன்னேறினார். துவக்க வீரர் ஜெய்ஸ்வால், 5வது இடத்தில் இருந்து 8வது இடத்துக்கு தள்ளப்பட்டார். மான்செஸ்டர் டெஸ்டில் சதம் விளாசிய வாஷிங்டன் சுந்தர் (447), 8 இடம் முன்னேறி 65வது இடத்தை கைப்பற்றினார். முதலிடத்தில் இங்கிலாந்தின் ஜோ ரூட் (904) தொடர்கிறார்.

பவுலர் தரவரிசையில் இந்திய வேகப்பந்துவீச்சாளர் பும்ரா (898) முதலிடத்தில் நீடிக்கிறார். ஒரு இடம் முன்னேறிய ஜடேஜா (682), 14வது இடத்தை கைப்பற்றினார்.

அபிஷேக் முதலிடம்

சர்வதேச 'டி-20' போட்டிக்கான பேட்டர் தரவரிசையில் இந்தியாவின் அபிஷேக் சர்மா, 829 புள்ளிகளுடன் 2வது இடத்தில் இருந்து முதலிடத்துக்கு முன்னேறினார். ஆஸ்திரேலியாவின் டிராவிஸ் ஹெட் (814) 2வது இடத்துக்கு தள்ளப்பட்டார். வெஸ்ட் இண்டீசுக்கு எதிரான 'டி-20' தொடரில் பங்கேற்காத ஆஸ்திரேலியாவின் டிராவிஸ் ஹெட் (814) 2வது இடத்துக்கு தள்ளப்பட்டார். மற்றொரு ஆஸ்திரேலிய வீரர் ஜோஷ் இங்லிஸ், 15வது இடத்தில் இருந்து 9வது இடத்துக்கு முன்னேறினார்.