இங்கிலாந்து 'ஆல்-ரவுண்டர்' மொயீன் அலி 37. கடந்த 2014ல் இங்கிலாந்து அணியில் அறிமுகமான இவர், 68 டெஸ்ட் (204 விக்கெட், 3094 ரன்), 138 ஒருநாள் (111 விக்கெட், 2355 ரன்), 92 சர்வதேச 'டி-20' (51 விக்கெட், 1229 ரன்) போட்டிகளில் பங்கேற்றுள்ளார். உலக கோப்பை (2019ல் ஒருநாள், 2022ல் 'டி-20') வென்ற இங்கிலாந்து அணியில் இடம் பிடித்திருந்தார். ஐ.பி.எல்., தொடரில் சென்னை அணிக்காக விளையாடி வருகிறார். கடைசியாக, இந்தியாவுக்கு எதிரான 'டி-20' உலக கோப்பை அரையிறுதியில் (2024, ஜூன் 27) களமிறங்கினார்.

சொந்த மண்ணில், ஆஸ்திரேலியாவுக்கு எதிரான 3 'டி-20', 5 ஒருநாள் போட்டிகள் கொண்ட தொடரில் பங்கேற்கும் இங்கிலாந்து அணிக்கு மொயீன் அலி தேர்வு செய்யப்படவில்லை. இதனையடுத்து சர்வதேச கிரிக்கெட்டில் இருந்து ஓய்வு பெறுவதாக மொயீன் அலி தெரிவித்தார்.

மொயீன் அலி கூறுகையில், ''அடுத்த தலைமுறை வீரர்களுக்கு வழிவிட சரியான நேரம் வந்துவிட்டது,'' என்றார்.