மும்பை அணியின் முதல் கேப்டனான கவாஸ்கர், வினோத் காம்ப்ளி, சஞ்சய் மஞ்ச்ரேக்கர், வாசிம் ஜாபர், ராஜு குல்கர்னி, சந்திரகாந்த் பண்டித், லால்சந்த் ராஜ்புட், சோபா பண்டித், அருந்ததி கோஷ் ஆகியோருக்கு எம்.சி.ஏ., தலைவர் அஜின்கியா நாயக் நினைவு பரிசு வழங்கி கவுரவித்தார். முன்னாள் எம்.சி.ஏ., தலைவர் விஜய் பாட்டீலுக்கும் நினைவு பரிசு வழங்கப்பட்டது.

இதுகுறித்து கவாஸ்கர் கூறுகையில், ''மும்பை, வான்கடே மைதானத்தின் 50வது ஆண்டு துவக்க விழா நிகழ்ச்சியில் பங்கேற்றது பெருமையாக உள்ளது. இங்கு விளையாடியதை என்றும் மறக்க முடியாது,'' என்றார்.

வினோத் காம்ப்ளி கூறுகையில், ''இங்கிலாந்துக்கு எதிராக இங்கு, எனது முதல் இரட்டை சதத்தை பதிவு செய்தேன். அதன்பின் எனது கிரிக்கெட் வாழ்வில் நிறைய சதம் அடித்தேன்,'' என்றார்.