ஒருநாள் போட்டியில் சிறந்து விளங்கும் வீரர்களுக்கான தரவரிசை பட்டியலை சர்வதேச கிரிக்கெட் கவுன்சில் (ஐ.சி.சி.,) துபாயில் வெளியிட்டது. பேட்டர் பட்டியலில் இந்தியாவின் ரோகித் சர்மா, 756 புள்ளிகளுடன் 3வது இடத்தில் இருந்து 'நம்பர்-2' இடத்துக்கு முன்னேறினார். இந்தியாவின் சுப்மன் கில் (784 புள்ளி) 'நம்பர்-1' இடத்தில் நீடிக்கிறார்.

மற்ற இந்திய வீரர்களான விராத் கோலி (736 புள்ளி, 4வது இடம்), ஷ்ரேயஸ் (704 புள்ளி, 8வது இடம்) 'டாப்-10' வரிசையில் தொடர்கின்றனர்.

பவுலர்களுக்கான தரவரிசையில் இந்தியாவின் குல்தீப் யாதவ் (650), ரவிந்திர ஜடேஜா (616) முறையே 2, 9வது இடத்தை தக்கவைத்துக் கொண்டனர். இலங்கையின் மகேஷ் தீக் ஷனா (671) 'நம்பர்-1' இடத்தில் உள்ளார்.

'ஆல்-ரவுண்டர்' தரவரிசையில் இந்தியாவின் ஜடேஜா (220) 10வது இடத்தில் நீடிக்கிறார். ஆப்கானிஸ்தானின் அஸ்மதுல்லா உமர்சாய் (296) முதலிடத்தில் உள்ளார்.