சர்வதேச கிரிக்கெட் கவுன்சில் (ஐ.சி.சி.,) சார்பில் பெண்கள் கிரிக்கெட்டில் சிறந்து விளங்கும் வீராங்கனைகளுக்கான தரவரிசை ('ரேங்க்') பட்டியல் வெளியானது. ஒருநாள் பேட்டர் வரிசையில் இந்திய அணியின் துவக்க வீராங்கனை ஸ்மிருதி மந்தனா 27, இரண்டு இடம் முன்னேறி, 696 புள்ளியுடன் 'நம்பர்-4' இடத்தை பிடித்தார். இங்கிலாந்தின் நாட் சிவர் (807), இலங்கையின் சமாரி அத்தபத்து (736), ஆஸ்திரேலியாவின் பேத் மூனே (717) 'டாப்-3' இடத்தில் உள்ளனர்.

மற்றொரு இந்திய வீராங்கனை, கேப்டன் ஹர்மன்பிரீத் கவுர் (639), 10 வது இடத்தில் உள்ளார். வேறு யாரும் 'டாப்-20' இடத்தில் இல்லை.

பந்து வீச்சாளர்கள் வரிசையில் இங்கிலாந்தின் சோபி முதலிடத்தில் உள்ளார். இந்தியாவின் தீப்தி சர்மா, ஒரு இடம் பின்தங்கி, நான்காவது இடத்தில் உள்ளார். இருப்பினும் ஆல் ரவுண்டர் வரிசையில் தீப்தி, ஐந்தாவது இடத்துக்கு முன்னேறினார்.