தென் ஆப்ரிக்கா சென்றுள்ள இலங்கை அணி, இரண்டு போட்டிகள் கொண்ட டெஸ்ட் தொடரில் பங்கேற்கிறது. முதல் டெஸ்டில் தென் ஆப்ரிக்கா வென்றது. இரண்டாவது டெஸ்ட் கெபேஹா நகரில் நடக்கிறது. முதல் நாள் முடிவில் தென் ஆப்ரிக்க அணி முதல் இன்னிங்சில் 269/7 ரன் எடுத்திருந்தது.

இரண்டாம் நாள் ஆட்டம் நடந்தது. ரபாடா (23) ஆறுதல் தந்தார். கைல் வெர்ரின்னே சதம் விளாசினார். தென் ஆப்ரிக்க அணி முதல் இன்னிங்சில் 358 ரன்னுக்கு 'ஆல்-அவுட்' ஆனது. வெர்ரின்னே (105) அவுட்டாகாமல் இருந்தார். இலங்கை சார்பில் லகிரு குமாரா 4, அசிதா பெர்ணான்டோ 3 விக்கெட் வீழ்த்தினர்.

பின் முதல் இன்னிங்சை துவக்கிய இலங்கை அணிக்கு திமுத் கருணாரத்னே (20), சண்டிமால் (44) ஓரளவு கைகொடுத்தனர். பதும் நிசங்கா (89) அரைசதம் கடந்தார்.

ஆட்டநேர முடிவில் இலங்கை அணி முதல் இன்னிங்சில் 3 விக்கெட்டுக்கு 242 ரன் எடுத்திருந்தது. மாத்யூஸ் (40), கமிந்து மெண்டிஸ் (30) அவுட்டாகாமல் இருந்தனர்.