அசாமின் கவுகாத்தியில் நடக்கும் ரஞ்சி கோப்பை கிரிக்கெட் 'டி' பிரிவு லீக் போட்டியில் தமிழகம், அசாம் அணிகள் விளையாடுகின்றன. முதல் நாள் முடிவில் தமிழக அணி முதல் இன்னிங்சில் 299/7 ரன் எடுத்திருந்தது.

இரண்டாம் நாள் ஆட்டத்தில் எட்டாவது விக்கெட்டுக்கு 63 ரன் சேர்த்த போது சோனு யாதவ் (29) அவுட்டானார். தமிழக அணி முதல் இன்னிங்சில் 338 ரன்னுக்கு 'ஆல்-அவுட்' ஆனது. முகமது அலி (49) அவுட்டாகாமல் இருந்தார்.

பின் களமிறங்கிய அசாம் அணியின் ரிஷவ் தாஸ் (54) அரைசதம் கடந்தார். ஆட்டநேர முடிவில் அசாம் அணி முதல் இன்னிங்சில் 3 விக்கெட்டுக்கு 176 ரன் எடுத்திருந்தது. தினேஷ் தாஸ் (54), சிப்சங்கர் ராய் (23) அவுட்டாகாமல் இருந்தனர். தமிழகம் சார்பில் குர்ஜப்னீத் சிங், சோனு யாதவ், முகமது அலி தலா ஒரு விக்கெட் வீழ்த்தினர்.