துவக்கத்தில் இருந்து ஆதிக்கம் செலுத்திய பேயர்ன் முனிக் அணிக்கு 18 வது நிமிடத்தில் ஹாரி கேன் ஒரு கோல் அடித்தார். இதற்கு ஸ்டட்கர்ட் அணியினரால் பதிலடி கொடுக்க முடியவில்லை. முதல் பாதி முடிவில் பேயர்ன் முனிக் 1-0 என முன்னிலையில் இருந்தது.

இரண்டாவது பாதியிலும் அசத்திய பேயர்ன் முனிக் அணிக்கு 77வது நிமிடத்தில் லுாயிஸ் டியாஸ் ஒரு கோல் அடித்தார். தொடர்ந்து போராடிய ஸ்டட்கர்ட் அணிக்கு 'ஸ்டாப்பேஜ்' நேரத்தில் (90+3வது நிமிடம்) ஜேமி லெவெலிங் ஒரு கோல் அடித்து ஆறுதல் தந்தார்.

ஆட்டநேர முடிவில் பேயர்ன் முனிக் அணி 2-1 என்ற கணக்கில் வெற்றி பெற்று, 11வது முறையாக (1987, 1990, 2010, 2012, 2016-18, 2020-22, 2025) கோப்பை வென்றது. இத்தொடரில் அதிக முறை சாம்பியன் பட்டம் வென்ற அணிகளுக்கான பட்டியலில் பேயர்ன் முனிக் முன்னிலை வகிக்கிறது. அடுத்த இடத்தில் போருசியா டார்ட்மண்ட் அணி (6 முறை) உள்ளது.