இம்முறை உலக கோப்பையில் அறிமுகமான கேப் வெர்டே அணி, ஸ்பெயின் (0-0), உருகுவே (2-2) அணிகளுக்கு எதிரான முதலிரண்டு போட்டிகளை 'டிரா' செய்தது. சவுதி அரேபியாவுக்கு எதிராகவும் அசத்திய கேப் வெர்டே அணி, தோல்வியை சந்திக்காமல் வலம் வருகிறது. மூன்று புள்ளிகளுடன் 'எச்' பிரிவில் 2வது இடத்தை உறுதி செய்த கேப் வெர்டே, முதல் முறையாக 'நாக்-அவுட்' சுற்றுக்கு முன்னேறி வரலாறு படைத்தது. தவிர, உலக கோப்பை அரங்கில் 'நாக்-அவுட்' சுற்றுக்கு முன்னேறிய மிகச்சிறிய நாடானது. அட்லாண்டிக் பெருங்கடலில், மேற்கு ஆப்ரிக்க கரையில் அமைந்துள்ள சிறிய தீவு தான் கேப் வெர்டே. இதன் மக்கள் தொகை 5 லட்சம்.

வரும் ஜூலை 3ல் மயாமியில் நடக்கவுள்ள 'ரவுண்டு-32' போட்டியில் கேப் வெர்டே அணி, 'நடப்பு சாம்பியன்' அர்ஜென்டினாவை சந்திக்கிறது. இதில் அர்ஜென்டினாவுக்கு அதிர்ச்சி அளிக்க கேப் வெர்டே அணியினர் முயற்சிக்கலாம்.

ஐந்தாவது அணி

உலக கோப்பை வரலாற்றில் மூன்று லீக் போட்டிகளையும் 'டிரா' செய்து 'நாக்-அவுட்' சுற்றுக்குள் நுழைந்த 5வது அணியானது கேப் வெர்டே. இதற்கு முன் வேல்ஸ் (1958), அயர்லாந்து (1990), நெதர்லாந்து (1990), சிலி (1998) அணிகள் இப்படி சாதித்தன. கடந்த 2010ல் மட்டும் 3 போட்டிகளையும் 'டிரா' செய்த நியூசிலாந்து அணியால் 'நாக்-அவுட்' சுற்றுக்கு தகுதி பெற முடியவில்லை.