இந்தியா (125வது இடம்) வந்த மலேசிய (133) கால்பந்து அணி நட்பு கால்பந்து போட்டியில் பங்கேற்றது. நேற்று ஐதராபாத்தில் இப்போட்டி நடந்தது. காயத்தில் இருந்து 10 மாதத்திற்கப் பின் மீண்டு வந்த சந்தேஷ் ஜின்கன், இந்திய அணி கேப்டனாக களமிறங்கினார்.

போட்டியின் 19 வது நிமிடத்தில் பந்தை பிடிக்க இந்திய அணி கோல் கீப்பர் குர்பிரீத் சிங், முன்னோக்கி ஓடிவந்தார். பந்து இவரை கடந்து செல்ல, மலேசிய வீரர் ஜோஷு, யாரும் இல்லாத வலைக்குள் பந்தை தள்ளி, எளிதாக கோல் அடித்தார்.

இந்தியா பதிலடி

39 வது நிமிடம் மீண்டும் 'கார்னர் கிக்' கிடைத்தது. இம்முறை பிரண்டன் பெர்ணான்டஸ் அடித்த பந்தை, தலையால் முட்டி கோலாக மாற்றினார் இந்தியாவின் ராகுல் பெக்கே.

60 வது நிமிடம் இந்தியாவின் சாங்டே அடித்த பந்து, மலேசிய கோல் போஸ்டுக்கு மேலாக சென்றது. முடிவில் போட்டி 1-1 என்ற கோல் கணக்கில் 'டிரா' ஆனது.

வெற்றி இல்லை

இந்திய கால்பந்து அணி 2024ல் 11 போட்டியில் பங்கேற்றது. இதில் 6ல் தோற்றது. 5 போட்டி 'டிரா' ஆனது. ஒன்றில் கூட வெற்றி பெறவில்லை.