இந்திய பெண்கள் கால்பந்து அணி உலகத் தரவரிசையில் 66 வது இடத்திலுள்ளது. 48 வது இடத்திலுள்ள வலிமையான உஸ்பெகிஸ்தானுக்கு எதிராக இரண்டு போட்டி கொண்ட நட்பு கால்பந்தில் பங்கேற்கிறது. முதல் போட்டி பெங்களூருவில் நடந்தது. முதல் பாதியில் மணிஷா, மாளவிகா, இரண்டாவது பாதியில் பிரியதர்ஷினி என மூன்று வீராங்கனைகள் இந்திய அணியில் அறிமுக வாய்ப்பு பெற்றனர்.

முதல் பாதியில் கிடைத்த பல கார்னர் வாய்ப்புகளையும் இந்திய வீராங்கனைகள் வீணடித்தனர். முதல் பாதியில் இரு அணியும் கோல் அடிக்கவில்லை. இரண்டாவது பாதியில் உஸ்பெகிஸ்தான் அணியின் தியோரஹான், 56 வது நிமிடம் ஒரு கோல் அடித்தார்.

முடிவில் இந்திய அணி 0-1 என்ற கணக்கில் தோல்வியடைந்தது.