இந்தியன் சூப்பர் லீக் (ஐ.எஸ்.எல்.,) கால்பந்து 11வது சீசன் நடக்கிறது. சென்னையில் நடந்த லீக் போட்டியில் சென்னை, ஈஸ்ட் பெங்கால் அணிகள் மோதின. முதல் பாதி கோல் எதுவுமின்றி சமநிலையில் இருந்தது. இரண்டாவது பாதியில் எழுச்சி கண்ட ஈஸ்ட் பெங்கால் அணிக்கு விஷ்ணு புதியா (54வது நிமிடம்), ஜீக்சன் சிங் (84வது) தலா ஒரு கோல் அடித்து கைகொடுத்தனர். சொந்த மண்ணில் கடைசி நிமிடம் வரை போராடிய சென்னை அணியினரால் ஒரு கோல் கூட அடிக்க முடியவில்லை.

ஆட்டநேர முடிவில் சென்னை அணி 0-2 என்ற கணக்கில் தோல்வியடைந்தது.

இதுவரை விளையாடிய 11 போட்டியில், 3 வெற்றி, 3 'டிரா', 5 தோல்வி என 12 புள்ளிகளுடன் சென்னை அணி 9வது இடத்தில் உள்ளது. ஈஸ்ட் பெங்கால் அணி 7 புள்ளிகளுடன் (2 வெற்றி, ஒரு 'டிரா', 6 தோல்வி) 11வது இடத்துக்கு முன்னேறியது.