இந்தியன் சூப்பர் லீக் (ஐ.எஸ்.எல்.,) கால்பந்து 11வது சீசன் நடக்கிறது. சென்னையில் நடந்த லீக் போட்டியில் சென்னை, ஐதராபாத் அணிகள் மோதின. ஆட்டத்தின் 5வது நிமிடத்தில் சென்னையில் இர்பான் யாத்வத் ஒரு கோல் அடித்தார். இதற்கு ஐதராபாத் அணியினரால் பதிலடி கொடுக்க முடியவில்லை. முதல் பாதி முடிவில் சென்னை அணி 1-0 என முன்னிலை பெற்றிருந்தது.

இரண்டாவது பாதியில், கடைசி நிமிடம் வரை போராடிய இரு அணியினரால் கோல் அடிக்க முடியவில்லை. ஆட்டநேர முடிவில் சென்னை அணி 1-0 என்ற கணக்கில் வெற்றி பெற்றது. இதுவரை விளையாடிய 12 போட்டியில், 4 வெற்றி, 3 'டிரா', 5 தோல்வி என 15 புள்ளிகளுடன் சென்னை அணி 7வது இடத்துக்கு முன்னேறியது. ஐதராபாத் அணி 7 புள்ளிகளுடன் (2 வெற்றி, ஒரு 'டிரா', 8 தோல்வி) 12வது இடத்தில் நீடிக்கிறது.