இந்தியன் சூப்பர் லீக் (ஐ.எஸ்.எல்.,) கால்பந்து 11வது சீசன் நடக்கிறது. கோல்கட்டாவில் நடந்த லீக் போட்டியில் முகமதன், கேரளா அணிகள் மோதின. ஆட்டத்தின் 28 வது நிமிடத்தில் முகமதன் அணிக்கு கிடைத்த 'பெனால்டி' வாய்ப்பில் மிர்ஜாலோல் காசிமோவ் ஒரு கோல் அடித்தார். முதல் பாதி முடிவில் முகமதன் அணி 1-0 என முன்னிலையில் இருந்தது.

இரண்டாவது பாதியில் எழுச்சி கண்ட கேரளா அணிக்கு 67வது நிமிடத்தில் குவாம் பெப்ரா ஒரு கோல் அடித்தார். தொடர்ந்து அசத்திய கேரளா அணிக்கு 75வது நிமிடத்தில் ஜீசஸ் ஜிமெனெஸ் ஒரு கோல் அடித்தார். கடைசி நிமிடம் வரை போராடிய முகமதன் அணியினரால் கூடுதலாக கோல் அடிக்க முடியவில்லை.

ஆட்டநேர முடிவில் கேரளா அணி 2-1 என்ற கோல் கணக்கில் வெற்றி பெற்றது. கேரளா அணி 5 போட்டியில், 2 வெற்றி, 2 'டிரா', ஒரு தோல்வி என 8 புள்ளிகளுடன் 5வது இடத்தில் உள்ளது. மூன்றாவது தோல்வியை பதிவு செய்த முகமதன் அணி (ஒரு வெற்றி, ஒரு 'டிரா') 4 புள்ளிகளுடன் 11வது இடத்தில் உள்ளது.