இந்தியன் சூப்பர் லீக் (ஐ.எஸ்.எல்.,) கால்பந்து 12வது சீசன் நடக்கிறது. நேற்று, கோல்கட்டாவில் நடந்த லீக் போட்டியில் ஈஸ்ட் பெங்கால், ஜாம்ஷெட்பூர் அணிகள் மோதின. ஆட்டத்தின் 40வது நிமிடத்தில் ஈஸ்ட் பெங்கால் வீரர் எட்மண்ட், ஒரு கோல் அடிக்க, முதல் பாதியில் 1-0 என முன்னிலை பெற்றது.

இரண்டாவது பாதியில் ஜாம்ஷெட்பூர் வீரர்கள் எழுச்சி பெற்றனர். 61 வது நிமிடத்தில் நிக்கோலா கொடுத்த பந்தை பெற்ற ஸ்டீபன் எசி, கோலாக மாற்ற, ஸ்கோர் 1-1 என சமன் ஆனது. போட்டி முடிய 3 நிமிடம் இருந்த போது, மதித் தலாலிடம் இருந்து பந்தை வாங்கினார் 84வது நிமிடம் மாற்று வீரராக களமிறங்கிய டச்சிகவா ரெய். அப்படியே கோலாக மாற்ற, ஜாம்ஷெட்பூர் அணி 2-1 என்ற கோல் கணக்கில் 'திரில்' வெற்றி பெற்றது.

நேற்று பெங்களூருவில் நடந்த மற்றொரு போட்டியில் பெங்களூரு, பஞ்சாப் அணிகள் மோதின. இதில் பஞ்சாப் அணி 2-0 என்ற கோல் கணக்கில் வெற்றி பெற்றது.