இந்தியன் சூப்பர் லீக் (ஐ.எஸ்.எல்.,) கால்பந்து 11வது சீசன் நடக்கிறது. கோல்கட்டாவில் நடந்த லீக் போட்டியில் ஈஸ்ட் பெங்கால், மும்பை அணிகள் மோதின. லாலியன்ஜுவாலா சாங்தே (39வது நிமிடம்), நிக்கோலாஸ் கரேலிஸ் (43வது) தலா ஒரு கோல் அடித்து கைகொடுக்க, முதல் பாதி முடிவில் மும்பை அணி 2-0 என முன்னிலை பெற்றிருந்தது.

இரண்டாவது பாதியின் 66வது நிமிடத்தில் மும்பை அணி வீரர் சாஹில் பன்வார் 'சேம்சைடு' கோல் அடித்தார். பின், 83வது நிமிடத்தில் ஈஸ்ட் பெங்கால் அணியின் டேவிட் லால்லன்சங்கா ஒரு கோல் அடித்த, போட்டி 2-2 என சமநிலை அடைந்தது. பின் எழுச்சி கண்ட மும்பை அணிக்கு 87வது நிமிடத்தில் கரேலிஸ் மீண்டும் ஒரு கோல் அடித்தார்.

ஆட்டநேர முடிவில் மும்பை அணி 3-2 என்ற கணக்கில் வெற்றி பெற்றது. இதுவரை விளையாடிய 14 போட்டியில், 6 வெற்றி, 5 'டிரா', 3 தோல்வி என 23 புள்ளிகளுடன் மும்பை அணி 5வது இடத்துக்கு முன்னேறியது. ஈஸ்ட் பெங்கால் அணி (14 புள்ளி) 11வது இடத்தில் உள்ளது.