துாரந்த் கோப்பை கால்பந்து 133வது சீசன் நடந்தது. கோல்கட்டாவில் நடந்த பைனலில் மோகன் பகான், வடகிழக்கு யுனைடெட் அணிகள் மோதின. ஜேசன் ஸ்டீவன் கம்மிங்ஸ் (11வது நிமிடம், 'பெனால்டி'), சஹால் (45+5வது) தலா ஒரு கோல் அடித்து கைகொடுக்க முதல் பாதி முடிவில் மோகன் பகான் அணி 2-0 என முன்னிலையில் இருந்தது.

இரண்டாவது பாதியில் எழுச்சி கண்ட வடகிழக்கு யுனைடெட் அணிக்கு அஜாரை (55வது நிமிடம்), கில்லர்மோ (58வது) தலா ஒரு கோல் அடித்து கைகொடுத்தன். ஆட்டநேர முடிவில் போட்டி 2-2 என சமநிலையில் இருந்தது. பின் போட்டி 'பெனால்டி ஷூட் அவுட்' முறைக்கு சென்றது. இதில் அசத்திய வடகிழக்கு யுனைடெட் அணி 4-3 என்ற கணக்கில் வெற்றி பெற்று முதன்முறையாக சாம்பியன் பட்டத்தை தட்டிச் சென்றது. இத்தொடரில் 18வது முறையாக கோப்பை வெல்லும் வாய்ப்பை இழந்த மோகன் பகான் அணி, 13வது முறையாக 2வது இடம் பிடித்தது.